Вечерва најдобрата македонска репрезентација ја слави првата победа во квалификациите за Светското првенство во Катар 2022 година.

На Националната арена „Тодор Проески“ – Скопје избраниците на селекторот Игор Ангеловски триумфираа со 5:0 над Лихтенштајн.

Гол-серијата ја стартуваше Барди од слободен удар, предноста ја зголеми Трајковски. Играчот на Мајорка двапати се запиша во листата на стрелците и сега е на бројката од 18 постигнати голови за националниот дрес.

Пред вечерашниот меч во вечната листа стрелци беше израмнет по бројот на погодоци со поранешниот репрезентативец Ѓорѓи Христов. Далеку на врвот е Горан Пандев со 36 голови.

Четвртиот погодок беше дело на Елмас, а Несторовски од пенал го постави конечниот епилог за негов 10 гол за нашата сениорска селекција.