ВИДЕО: Барди и Трабзонспор загубија на гостувањето кај Црвена звезда во Лига Европа
Фудбалерите на Црвена звезда го победија турскиот шампион Трабзонспор со 2:1 во натпреварот од претпоследното петто коло од групата „Х“ на Лига Европа.
Головите за српскиот првак ги постигнаа Катаи во 37 минута и Пешиќ во 64 минута, додека голот за Трабзон го постигна Бакасетас во 39. минута.
Македонскиот репрезентативец Енис Барди беше стартер кај гостите и настапи до 82 минута од средбата на стадионот „Рајко Митиќ“ во Белград.
Црвена звезда ја забележа втората победа и е последна на табелата со шест бодови, колку што има и Трабзон на третата позиција. Во вториот натпревар од оваа група Ференцварош и Монако ремизираа 1:1 во Будимпешта. Унгарскиот тим е прв во групата со 10 бодови, додека Монако е втор со седум.
Фудбалерите на Црвена звезда во последното коло ќе гостуваат кај Монако во Франција, додека Трабзон ќе го пречека унгарскиот Ференцварош.
ВИДЕО: Роналдо се врати со гол против Шериф, Рома сама решава на „Олимпико“