ВИДЕО: Арсенал сонува Лига на шампиони, Лидс во зоната за испаѓање
Денеска во рамките од 36 коло во Премиер лигата Арсенал триумфираше над Лидс со 2:0, три важни бода за играчите на Микел Артета во трката за едно од местата кои водат во Лигата на шампионите следната сезона.
Уште во петтата минута на стадионот „Емирати“ во Лондон беше постигнат првиот гол на „топџиите“, после една грешка на Мелие кој не реагираше најдобро, тоа го искористи Нкетиа за водство.
Само пет минути подоцна истиот играч ја зголеми предноста после асистенцијата на Мартинели. Проблемите за гостите се зголемија после црвениот картон кој го доби Ејлинг поради груб прекршок.
Фудбалерити на американскиот менаџер Марш во вториот дел успеаја само да го ублажат поразот преку Љоренте во 66 минута.
Овој пораз на клубот од „Еланд роуд“ оди во корист и на Евертон кој славеше на гостувањето кај Лестер со 1:2.
Сите погодоци беа реализирани во првиот дел, во шестата минута Миколенко ги израдува гостите, израмни Дака во 11, минута, а конечниот епилог го постави Холгејт (30`).
Домаќините имаа убави шанси во второто полувреме да израмнат, па и да направат целосен пресврт, но голманот на Евертон Пикфорд блескаше со своите одбрани.
Се одигра уште еден меч од оваа рунда, Вест Хем како гостин го совлада Норич со 0:4. Бенрахма двапати се запиша во листата на стрелците кај „чеканите“, а по еден погодок имаа Антонио и Ланцини.
Сега Лидс е во опасната зона за испаѓање, се наоѓа на 18 место со 34 бодови, колку што има и засега безбедниот Барнли на 17 место, а на 16 место се искачи Евертон со 35 бодови од 34 натпревари.
Премиер лига, табела –
1. Манчестер сити 83 бодови
2. Ливерпул 83
3. Челси 67
4. Арсенал 66
—
5. Тотенхем 62
6. Манчестер јунајтед 58
—
16.Евертон 35
17.Барнли 34
—
18.Лидс 34
19.Ватфорд 22
20.Норич 21