ВИДЕО: Арчење на водата низ Скопје по улиците, жед во домовите
Додека Скопје е во сериозна криза со губење на питка вода, цели населби како Водно, Железара, Автокоманда се соочуваат со намален притисок, зградата на МТВ во која се сместени бројни државни институции и агенции има недостиг на вода со денови, а и детската болница „Козле“ е без вода, сепак сликата по улиците покажува и нерационално трошење на водата.
Препорачано
Читатели во редакцијата на „Слободен печат“ доставуваат видео-материјали од нерационално трошење на водата.
Во дел од парковите цели пешачки патеки се поплавени и се создаваат „езерца од фонтани“. Еден пример е Хром.
Жителите на Водно, Железара, Автокоманда, Ченто, Маџари и други делови од градот со часови се без вода во текот на денот.
Граѓаните алармираат дека се сериозно загрижени за своето здравје затоа што во среде лето не можат да се измијат ниту да користат тоалет, но и изморени од неспиење затоа што секоја ноќ чекаат да дојде вода и нешто да завршат по дома.
Град Скопје: Проблем не е водата, проблем се оние што ја добиваат џабе и институциите што ги штитат
