Граѓаните остануваат песимисти за политиките на градоначалниците во Град Скопје, па речиси и воопшто да немаат надеж за подобро утре.

Анкетираните главно се разочарани и незадоволни од досега сработеното во Општина Центар, па искрено проговорија пред камерата на „Слободен печат“.

– Не гледам дека било што се работи, урбанистичката мафија го има парализирано центарот на градот, ова е хаос …, револтирано изјави еден граѓанин.

– Не сме задоволни од работата, нема никаква промена … Лажни зборови, лажни ветувања! Тонеме во депонија, нема никакво зеленило, изјави друг граѓанин.

Поддршка за досегашните реформи на советот и градоначалникот Горан Герасимовски имаше од малкумина, кои упатија комплименти и укажаа доверба да се продолжи со ова темпо на работа и во идниот период.

– Задоволен сум од работата на градоначалникот, ама не во целост. Подобрена е хигиената, средени се паркинзите.., изјави еден од анкетираните.

– Од Општина Центар примам стипендија за најдобар играч во училиште за кошарка, задоволен сум за поддршката кон младите. Ни фалат нови паркови и детски игралишта, што значи може да биде и подобро, потенцираше друг граѓанин.

Целата анкета можете да ја прсоледите на следното видео: