ВИДЕО | „And Just Like That“… тој е жив!
Фановите, но и самите ликови во серијата „And Just Like That“, која е продолжение на легендарната „Сексот и градот“, по трагичната смрт на „Mr. Big“ во првата епизода на римејкот се прашуваат – дали Пелотон собниот велосипед е причината за неговата смрт? Па, Пелотон одговори на прашањето.
Можеби ликот на „Mr. Big“ почина, но Крис Нот е многу жив. А компанијата Пелотон, чиј собен велосипед беше дел од последните сцени на неговиот лик, итро возврати на бројните дискусии дали можеби токму велосипедот и спортската активност беа причината за неговата смрт.
67-годишниот актер, кој го игра „Mr. Big“ во серијата продолжение на „Сексот и градот“, се појави во новата реклама на Пелотон, во која глуми заедно со инструкторката Џес Кинг, која во првата епизода на серијата се појавува како инструкторката Алегра која го води Биг низ последното негово возење.
„За нови почетоци“, вели тој во рекламата, на која Џес одговара: „За нови почетоци… изгледаш одлично“.
“Се чувствувам одлично. Дали одиме на уште едно возење? Животот е премногу краток“, продолжи тој
View this post on Instagram
„И токму така, светот се потсети дека редовното возење велосипед го стимулира и подобрува вашето срце, бели дробови и циркулација“, брзо се слуша како Рајан Рејнолдс на крајот со дополнителни здравствени факти пред да заклучи: „Тој е жив“.
„Можете да отпишете лик, но не и вредноста на кардио. Вози на! @onepeloton“, додаде Џес на Инстаграм.
View this post on Instagram
