Сè поголем број млади се одлучуваат да си купат „Ајфон 4“, модел пуштен на пазарот уште во 2010 година. Причината? Камерата. На социјалните мрежи е тренд да се објавуваат фотографии со „лош“ квалитет, кои токму овој телефон ги прави уникатни, пишува „Њујорк пост“.

@ivintage2 iPhone 4 is the new digi cam #iphone #digicam #digitalcamera #nostalgia #retro ♬ original sound – ivintage2

„Ајфон 4“ е нов дигитален фотоапарат“, „Овие фотографии се најдобри“, „Мојот Инстаграм сега изгледа совршено“, се дел од коментарите на корисниците.

Телефонот се продава за илјадници долари на страници за препродажба како „Ибеј“, бидејќи бројот на носталгични купувачи расте.

Меѓутоа, експертите предупредуваат дека користењето стари телефони може да претставува безбедносен ризик. Ли Елиот од компанијата „Спореди и рециклирај“ (Compare and Recycle) советува корисниците да не внесуваат лични податоци на овој уред, вклучувајќи и логирање во апликации.

Поранешните модели не се прилагодени за заштита на корисниците од собирање податоци и не поддржуваат многу современи апликации.

„Последната верзија на iOS што ја поддржува Ајфон 4 е iOS 7.1.2 – верзија објавена во 2014 година. Тоа е повеќе од една деценија без ажурирања или безбедносна заштита. Затоа, Ајфон 4 не може да ги заштити личните податоци како современите Ајфони, оставајќи ги корисниците изложени на протекување на податоци, хакирање и други безбедносни пропусти“, објаснува Елиот за „Њујорк пост“.