ВИДЕО | Адел низ солзи ги откажа настапите поради ковид: Многу сум вознемирена
Адел низ солзи соопшти дека ги откажува сите предвидени настапи во Лас Вегас, 24 часа пред самиот почеток.
„Многу ми е жал, но шоуто не е подготвено“, им рече ѕвездата на обожавателите низ солзи на својот инстаграм-профил. „Половина од мојот тим има ковид“, откри Адел, додавајќи дека овие одложувања ги уништиле нејзините планови
Пејачката требаше да одржи 24 концерти во „Caesars Palace’s Colosseum“ почнувајќи од денес, а истите беа најавувани уште од крајот на ноември. Адел требаше да изведува две шоуа секој викенд до април.
View this post on Instagram
Билетите се движеа од 85 долари до 685 долари, а се предвидуваше дека Адел ќе заработи огромна сума пари.
Тие требаше да бидат нејзини први концерти во живо по цели пет години пауза. Заедно со двата наспати во лондонскиот Хајд Парк ова лето, тие се единствените шоуа што таа ги најави за промовирање на четвртиот албум „30“.
Адел откри дека била „будна 30 часа“ обидувајќи се да ја спаси продукцијата, но едноставно немало доволно време.
„Беше невозможно да се заврши шоуто“, додаде таа. „Не можам да ви го дадам тоа што го имам во моментов и се чувствувам ужасно“.
View this post on Instagram
Адел им се извини и на обожавателите кои веќе пристигнале во Лас Вегас за првиот викенд.
„Се извинувам што ова се случува во последен момент. Многу сум вознемирена и навистина ми е непријатно и многу ми е жал за сите што допатуваа… Ќе ги презакажеме сите датуми, ние сме на тоа во моментов. Ќе ги презакажеме сите шоуа“.
Многу фанови ѝ дадоа поддршка на социјалните мрежи велејќи дека тоа е правилна одлука и посакувајќи добро на неа и на нејзиниот тим. Но, некои се соочуваат со загуба на стотици долари од резервации за летови и хотели.