Срамежливоста и несигурноста се сосема нормални, но морате да ги надминете за да бидете задоволни.

Најпрво, како и секогаш, така и во оваа ситуација, комуникацијата е најважна. Без разлика дали сте слободни или интровертни, мора да разговарате со партнерот, да ги разграничите вашите желби, фантазии и стравови, за да не дојде до конфликт.

Ваквата несигурност се појавува најчесто на почетокот на нова врска, кога уште не се познавате доволно добро со партнерот. Поради тоа е важно да комуницирате и да бидете поотворени за нови нешта, но и јасно да ги нагласите оние кои ви пречат.

Целосно е нормално да немате доволно самодоверба да испробате нова поза или некоја секси-игра. Експериментирањето е уште потешко доколку сте несигурни во својот физички изглед или ако не сте многу искусни во еротските игри.

Од каде доаѓа срамежливоста?

Најчесто, причината е стравот од осудување. Но, имајте на ум дека ако веќе сте стигнале до кревет, тогаш веќе е повеќе од сигурно дека го привлекувате партнерот и нема потреба да се прашувате дали им се допаѓате голи.

Овие несигурности постојат и кај мажите и кај жените и се поврзани со одредени физички карактеристики или пак, со самиот сексуален перформанс и стравот да не сте доволно добри.

За да го надминете тоа, имајте на ум дека веќе сте доволно блиски, физички сте еден до друг, телата ви се припиени и тоа треба да направи да се чувствувате поудобно.

Како да го победите овој страв?

Како што веќе нагласивме, комуникацијата е најважна за да можете да се најдете на заедничката почетна точка и оттаму да продолжите да го градите односот.

Овој проблем е многу полесен за решавање отколку што ни се чини. Треба да ги детектирате мислите кои ве кочат во процесот и да проанализирате она што ги предизвикува. Со ова, веќе е поминат најголемиот дел од надминувањето на стравот, срамот и несигурноста.

Од оваа точка, нештата можат да одат само на подобро, па затоа разговарајте, комуницијрајте и дефинирајте ги границите. Кажете што ви се допаѓа, а што не, но и почитувајте ги и размислувањата на партнерот. Па, дури и да се случи некоја грешка, не е крај на светот. Веќе следниот пат ќе биде многу подобро.