Веќе му честитаат, Несторовски се враќа во Серија А (ФОТО) – Слободен печат
СпортФудбал

Веќе му честитаат, Несторовски се враќа во Серија А (ФОТО)

Македонскиот репрезентативец Илија Несторовски наскоро се очекува да биде промовиран како нов фудбалер на Удинезе од наредната сезона 2019/20.

Несторовски кој заедно со Александар Трајковски го напуштија Палермо, според италијанските медиуми во текот на денот би требало да ги има лекарските прегледи, а потоа во попладневните часови и отпатува во Австрија каде што и моментно играчите на Удинезе ги имаат летните подготовки.

Ваквиот трансфер го потврди и поранешниот репрезентативен голман Гого Јовчев кој сега има улога на тренер.

На својот фејсбук профил Јовчев му го честиташе враќањето на нашиот интернационалец во најсилната италијанска фудбалска лига.

– „Бомберот“ се врати во Серија А. Нека ти е со среќа новиот трансфер во Удинезе. Ти посакувам од сè срце само да продолжиш во ист стил. Не е мала работа да се дадат 45 голови во Италија за три години – се зборовите на Јовчев.

На тој начин ќе се зголемува македонската „колонија“ на фудбалери во Серија А, Горан Пандев е член на Џенова, а изминатиот период Елиф Елмас беше промовиран како нов играч на Наполи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close