Валенсија јавно го критикуваше користењето на сликите на Винисиус Жуниор на „Местаља“ за време на гала церемонијата за „Златната топка“.

Бразилскиот фудбалер ја доби наградата „Сократ“ за водење на борбата против расизмот во шпанскиот фудбал, како и за неговиот придонес во образованието на децата во родниот Бразил.

При примањето на наградата се појави монтажа на која се гледа како фудбалерот покажува кон толпата за да ги предупреди властите за оние кои расно го злоставуваат.

Веднаш стигна реакцијата од Управата на шпанскиот фудбалски клуб Валенсија:

– Валенсија жали за користењето на нашиот имиџ на церемонијата на доделување на „Златната топка“ и нејзината поврзаност со неприфатливи постапки на навивачите, кои клубот ги истражи и наметна најстрога казна за инволвираните. Ние помагаме и во борбата против расизмот, но бараме и најголема почит за нашите навивачи и нашиот клуб – се вели во соопштението на Валенсија.

Valencia are not happy.https://t.co/MjlZMMUS3J#VCF #HalaMadrid #vinijr

— Football España (@footballespana_) October 31, 2023

„Златната топка“ и осми пат во рацете на Лионел Меси