Најмалку 20 деца загинале во пожар во училиште во Нигер, пренесува британски Мирор. Оваа трагедија се случи денеска во градот Маради.

Непотврдени извори на социјалните мрежи тврдат дека пожарот се случил во една од локалните градинки.

Засега не е јасно што го предизвикало пожарот и нема официјална потврда за тоа.

#Niger : plusieurs élèves calcinés dans un incendie de classes en paillote à #Maradi
Au moins une vingtaine de jeunes écoliers ont trouvé la mort, ce lundi 08 novembre 2021, dans une école à Maradi, à la suite d'un incendie ayant ravagé des classes en paillote. Nos condoléances pic.twitter.com/Ruaeqkhd25

— Ahmadou Atafa (@AhmadouAtafa) November 8, 2021

Наводната трагедија се случила само неколку месеци откако во пожар во друго училиште во предградието на главниот град на Нигер, Ниамеј, загинале 18 деца.

Учениците посетувале настава за време на пожарот, кој директорот на училиштето го опиша како „катастрофален“.

По трагедијата во април, Националниот сојуз на наставници од Нигер издал соопштение во кое повикал на прекин на наставата во колибите изградени од слама.

Организацијата соопштила дека многу е важно властите да престанат да предаваат во сламени колиби.

Човек кој го загубил својот шестгодишен син во пожар ја повика владата да изгради безбедни училишта.

„Да не даваме се во рацете на Бога, да не даваме се во рацете на државата“ вели родителот.