Утре во Скопје ќе има посебен сообраќаен режим поради протестен марш што ќе почне во 12:30 часот, а го организира група граѓани револтирани од, како што наведуваат, неспроведувањето на Законот за употреба на јазиците при правосудниот испит.

Според информациите од МВР, маршот ќе тргне од плоштадот „Карпошово востание“, ќе се движи по улицата „11-ти Март“, преку Камениот мост, потоа по „Никола Вапцаров“, а ќе заврши на „Димитрие Чуповски“, пред Министерството за правда. За време на движењето, сообраќајот ќе биде пренасочуван по околните улици.

Од СВР Скопје информираат дека Единицата за безбедност на патниот сообраќај ќе преземе мерки за регулирање на сообраќајот, а МВР ги повика граѓаните да ги следат насоките и наредбите на полицајците на терен.

Известување за скопските возачи: Не се поминува од Стара Рампа до семафорите кај Црвен Крст – го асфалтираат булеварот „Македонија“