Утре пак нè очекува пеколна горештина, во петок попладне се можни летен дожд и грмежи
Утре времето во земјава ќе биде сончево и многу топло, со мала до умерена локална облачност. Во попладневните часови постојат услови за изолирана појава на нестабилност со краткотраен пороен дожд и грмежи, особено во делови од внатрешноста. Ќе дува слаб до умерен ветер, претежно од североисточен правец, соопшти Управата за хидрометеоролошки работи (УХМР).
Препорачано
Минималната температура ќе се движи во интервал од 11 до 21, а максималната – од 32 до 39 степени.
Во Скопје времето ќе биде сончево и топло, со мала локална облачност и со слаб до умерен ветер од североисточна насока.
Метеоролозите за петок најавуваат исто така сончево и топло време со мала до умерена локална облачност. Попладне во северозападните планински региони ќе има услови за изолирана појава на нестабилност со краткотраен пороен дожд и грмежи.
Во Скопје времето во петок ќе биде сончево и топло со мала локална облачност и со слаб до умерен ветер од североисточна насока. Минималната температура ќе се движи во интервал од 11 до 20°C, а максималната од 28 до 38°C.
