Утре и задутре времен режим на сообраќај на улицата „Александар Урдаревски“
ЈП „Улици и патишта“ ги известува граѓаните дека утре и задутре, на 16 и 17 мај, поради асфалтирање на пешачките патеки на улицата „Александар Урдаревски“ во општина Бутел, со прв слој асфалтна маса, на потегот од населено место Кучевишка Бара кон обиколницата, ќе биде воспоставен времен сообраќаен режим во периодот од 8 до 14 часот.
Времениот режим ќе биде обележан со соодветна сигнализација, а асфалтирањето ќе се одвива утре на 16.05.2023 година (вторник) од 8 ч наутро до 14 часот попладне во едната насока и на 17.05.2023г.(среда) на во истиот временски период на другата спротивна насока – соопштуваат од претпријатието.
Оттаму апелираат до сите учесници во сообраќајот до завршување на градежините активности да бидат внимателни и да ја прилагодат својата брзина на движење според условите на патот.