Летово во полицискиот билтен речиси секој ден имаше пријавени случаи на заталкани куршуми, а со оглед на тоа колку се пука во делови од градот, вистинско чудо е како досега никој не е повреден.

Последниот случај на куршум кој оштетил автомобил е во центарот на градот, каде пред угостителски објект, куршумот го погодил ветробранското стакло на автомобилот во сопственост на жител на главниот град, велат од МВР.

„На 20.08.2025 во 16:15 часот во СВР Скопје, Ј.Ј.(40) од Скопје пријавил дека пред угостителски објект на подрачјето на Центар во Скопје од заталкано зрно од огнено оружје било оштетено ветробранското стакло од неговото возило „ауди“ со скопски регистарски ознаки. Полициски службеници од СВР Скопје го подигнале зрното за понатамошна постапка. Се работи на расчистување на случајот“, пишува во полициското соопштение.