Украинскиот претседател Володимир Зеленски се подготвува да го претстави својот ревидиран мировен план пред администрацијата на Трамп откако го отфрли американскиот план со кој ќе ѝ се отстапеше територија на Русија, пишува американски „Њузвик“.

„Работиме многу активно на сите компоненти на потенцијалните чекори кон завршување на војната. Украинската и европската компонента сега се поразвиени и ние сме подготвени да ги претставиме на нашите партнери во САД“, рече Зеленски во објава на X, по состанокот со европските и НАТО лидери во понеделник.

Today, we already discussed with our negotiating team the results of yesterday’s work in London, which was conducted at the level of the National Security Advisors of our European partners. This was agreed upon yesterday at the leadersʼ level.

We are working very actively on…

— Volodymyr Zelenskyy / Володимир Зеленський (@ZelenskyyUa) December 9, 2025

Украинскиот лидер рече дека неговиот тим би можел да го испрати својот нов предлог до Белата куќа уште во вторник.

Пратеникот на Кремљ, Кирил Дмитриев, го нападна состанокот на Зеленски со европските лидери, нарекувајќи ги „Тим војна“ и обвинувајќи ја групата за „саботација на мирот на Трамп“.

Во меѓувреме, претседателот Доналд Трамп упати нова низа критики против „слабите“ европски сојузници на Америка во ново интервју за Политико, велејќи дека тие го „уништиле“ континентот со масовна имиграција и дека нивните нации можеби повеќе нема да бидат одржливи освен ако наскоро не преземат радикални мерки.

За Украина, Трамп рече дека европските лидери „зборуваат премногу“ без да произведат ништо.