УЈП ќе распродава бела техника, возила, камиони, телевизори…
На 30 јуни ќе се одржи јавна аукција огранизирана од Управата за јавни приходи на комерцијални продажби на движни и недвижни предмети.
На аукцијата може да се најдат различни предмети (моторни возила, товарни возила, телевизори, бела техника, автобуси и друго), кои се запленети поради неплатен данок.
Почетната цена на понудените предмети, сепак варира во зависност од годината на производство, состојбата, употребливоста и слично.
Преку веб порталот http://e-aukcii.ujp.gov.mk, може да се погледнат активните аукции, да се врши онлајн разгледување и преглед на достапните аукциски производи (движни и недвижни), а сите заинтересирани треба да се пријават и да учествуваат во процесот на надавање и лицитација за предметите кои се предмет на јавна аукција/продажба.
Оние кои сакаат да учествуваат на е-аукциите на УЈП, единствено што треба да направат е да се регистрираат како корисник на http://e-aukcii.ujp.gov.mk.
Тука можете да ја погледнете понудата на движни и недвижни предмети кои УЈП ги има запленето.