УЕФА денес ја казни Црвена звезда со забрана за присуство на навивачи на следното европско гостување против Штурм од Грац на 11 декември во Лигата на Европа, како и со парична казна во износ од 62.500 евра.

На црвено-белите им се активираше условната казна што на српскиот шампион му беше изречена уште на 29 јануари оваа година, сега поради однесувањето на навивачите на Црвена звезда на гостувањето кај португалската Брага.

Екипата на тренерот Владан Милојевиќ беше поразена од Португалците со 2:0, а навивачите на црвено-белите, според мислењето на Одборот за контрола, етика и дисциплински мерки на УЕФА, за време на натпреварот се однесувале дискриминирачки и упатувале пораки несоодветни за спортски настан.

Исто така доколку ова се повтори во наредните две години, УЕФА ќе ја санкционира Звезда со идентична казна.

Преземено од: Спорт.ком.мк