Турски државјанин, возејќи камион со полуприколка, оштетил електрични кабли и кабел за интернет, како и оџак во валандовското село Јосифово, соопшти полицијата.

„Надворешната канцеларија за криминалистички работи Валандово поднесе кривична пријава против Ј.В. од Република Турција поради постоење основи на сомнение за сторено кривично дело „уништување или оштетување јавни инсталации”. На 21.06.2022 на ул„Јосиф Јосифовски” во Јосифово, пријавениот, управувајќи товарно моторно возило со полуприколка извршил оштетување на електрични кабли, кабел за интернет врски, при што оштетил и оџак и предизвикал материјална штета“, велат од полицијата.