Перењето завеси често знае да биде вистински предизвик, најчесто тие се туткаат, се собираат или ја губат формата, а пеглањето е долготрајно и заморно. Сепак, постојат едноставни трикови кои ви овозможуваат завесите да бидат уредни и свежи веднаш по миењето, без дополнително пеглање.

Првиот чекор е да ги исперете на правилната програма. Повеќето завеси можат да се перат во машина, но важно е да се користи послаба програма: температурата на водата треба да биде 30 степени Целзиусови или ладно перење, а програмата да биде прилагодена на осетливи ткаенини или рачно перење. Центрифугата треба да се постави на што помал број вртежи, идеално помеѓу 400 и 600, додека детергентот треба да биде благ, без омекнувач кој може да остави траги.

По миењето, сушењето е клучно. Никогаш не ги оставајте завесите стуткани во кошот; извадете ги веднаш додека се уште влажни и закачете ги повторно. Тежината на самите завеси и гравитацијата ќе ги „испеглаат“ наборите додека се сушат.

Додатен трик: ако сакате дополнително да ги исправите без пегла, нежно прскајте ги со вода од шише со распрскувач додека се закачени.

Што да избегнувате?

– Не користете сушална освен ако не е наведено поинаку на етикетата.

– Избегнувајте високи температури и силна центрифуга.

– Не ги пеглајте завесите кога се целосно суви, бидејќи тоа создава тешко отстранливи набори.

Со овие едноставни чекори, вашиот дом секогаш ќе изгледа уредно, а завесите свежи – без часови поминати на пеглање.