Иако најчесто ја користиме само за одржување на оралната хигиена, пастата за заби може да биде и практично средство за чистење во домаќинството. Благодарение на благите абразивни честички и состојките за полирање, таа може да помогне при отстранување дамки, нечистотии и ситни гребнатини од различни површини, пишува „Вечерњи лист“.

Од полирање накит до чистење на екрани или мијалници, пастата за заби може да биде едноставно решение кога немате специјализирани средства за чистење при рака. Сѐ повеќе луѓе откриваат дека овој секојдневен производ може да се користи и за практични домашни трикови.

1. Отстранување дамки

Пастата за заби може да помогне при отстранување дамки од теписи, мебел или садови. Ако се истури пијалак или храна, нанесете малку паста директно врз дамката и оставете ја да се исуши. Потоа избришете со крпа натопена во топла вода и исчистете ги остатоците.

Овој трик може да помогне и за дамки од кафе и чај на шолји – доволно е малку паста на влажен сунѓер, лесно триење и добро плакнење. Кај пластични садови за храна, пастата може да ги намали и непријатните мириси ако се остави преку ноќ.

2. Спречување замаглување на огледала

Огледалата во бањата често се замаглуваат по топол туш. За да го спречите тоа, втријте тенок слој паста за заби на површината на огледалото, а потоа избришете ја со сува крпа. Овој слој создава бариера што го намалува задржувањето на пареата на стаклото.

3. Чистење фуги

Фугите меѓу плочките во кујната или бањата често задржуваат нечистотија. Малку паста нанесена на стара четка за заби може да помогне при нивно чистење. Со лесно триење може да се отстранат наслагите и фугите повторно да изгледаат посветли и почисти.

Дали е безбедно да се става паста за заби на мозолчиња?