Тренерот на Партизан, Обрадовиќ по хаосот во Мадрид: Сè е снимено и сите ќе видат како почна!
Невидена ситуација во Евролигата на вториот плеј-оф натпревар беше видена помеѓу Реал и Партизан. Белградските „црно-бели“ во Мадрид славеа за водство од 2:0 во серијата, но поради тепачка во финишот во која беа вклучени играчите на двете страни, судиите мораа да го прекинат мечот.
На крајот српската екипа триумфираше со 95:80, а мечот ќе остане во сенка на хаосот и повредата на Данте Ексум, Австралиецот од редовите на Партизан.
Играчот на шпанскиот клуб, Гершон Јабуселе крајно неспортски го удри Ексум одзади. Според првите информации на Ексум му е пукната тетива на палецот, па ќе мора да замине во Белград со патерици, а останува прашањето – во каква состојба ќе остане кошаркарот на Партизан.
По натпреварот се огласи тренерот на Партизан, Жељко Обрадовиќ, кој благо кажано беше згрозен од целата ситуација.
– Има видео и сите ќе видат како сето тоа почна, играчите потоа разговараа. Се дојде до тоа, тоа се нерви. Што и да кажете, но не верувам дека ова се случи и тука е крајот на приказната. Не треба повеќе да зборуваме за тоа – рече Обрадовиќ.
Стратегот на српскиот претставник изјави дека во моментов не знае што се случува со Данте Ексум.
– Не знам, лошо изгледа, не знам како ќе биде, утре ќе провериме, имаше болки во ногата, па ќе видиме, треба да провериме да разбереме што не е во ред со Ексум – се зборовите на Обрадовиќ.