Треба да продолжи дискусијата за прогресивното оданочување, вели Ковачевски еден ден откако објави дека се укинува

Димитар Ковачевски, премиер/Фото: Скриншот

Премиерот Димитар Ковачевски смета дека дискусијата за прогресивното одданочување треба да продолжи низ инклузивен процес, а во тој процес во иднина со ново софтверско решение да се земат во предвид вкупните примања во семејството.

-Таа дискусија треба да продолжи, низ инклузивен процес во којшто ќе бидат вклучени не само стопанските комори, и оние коишто се засегнати, коишто го плаќаат персоналниот данок за вработените. Исто така, и УЈП преку воведување на нови системи, софтверски решенија, каде што нема да бидат гледани граѓаните на поединечна основа, туку на семејна основа. Исто така, ќе треба да биде направена и ревизија на даночните ослободувања, изјави денеска Ковачевски за ТВ Сител.

Тој најавува дека државата ќе го исплати долгот за струја на Клинички центар.

-Државата мора да ги помогне финансиски. Клинички не смее да остане без струја, рече Ковачевски.

Видео на денот