Претседателот на Соединетите Американски Држави, Доналд Трамп, изјави дека САД разгледуваат евентуално намалување на бројот на своите војници во Германија, пренесуваат американските медиуми.

Како што изјави во објава на неговата мрежа Trut Social, одлука за ова прашање би можела да се донесе за краток временски период.

Најавата следува по острите критики на Трамп кон германскиот канцелар Фридрих Мерц, откако тој критички се изјасни за американската офанзива против Иран.

„Тој не знае за што зборува!“, напиша Трамп во вторникот за Мерц. Не било чудо, додаде тој, „што на Германија ѝ оди толку лошо, и економски и во други аспекти!“ – додаде тој.

Германскиот канцелар Фридрих Мерц во понеделникот изјави дека не гледа каква стратегија имаат САД за излез од војна со Иран.

Мерц оцени дека целата американска нација е понижена од иранското раководство, а особено од Корпусот на Исламската револуционерна гарда.