Американскиот претседател Доналд Трамп во неделата увери дека тековните разговори меѓу САД и Иран за нуклеарната програма на Исламската Република се „многу добри“.

„Имавме многу, многу добри разговори со Иран“, им рече Трамп на новинарите во Њу Џерси пред да се качи на Ер Форс Уан и да се врати во Вашингтон.

„И не знам дали ќе објавиме нешто добро или нешто лошо во следните неколку дена, но имам чувство дека ќе биде нешто добро. Направивме вистински напредок, сериозен напредок“, додаде тој.

Петтата рунда индиректни преговори со посредство на Оман се одржа во петокот во Рим.