Американскиот претседател Доналд Трамп им порача на иранските демонстранти да продолжат со протестите и се закани дека „убијците и насилниците во Иран ќе платат висока цена“.

„Ирански патриоти, продолжете со протестите – преземете ги вашите институции. Запишете ги имињата на убијците и насилниците. Тие ќе платат висока цена. Ги откажав сите состаноци со ирански официјални претставници сè додека не престане бесмисленото убивање на демонстрантите. Помошта е на пат. Направете го Иран повторно голем!,“ напиша тој во својата објава на платформата „Трут сошал“.

Претходно денеска иранскиот министер за надворешни работи, Абас Арагчи, денес изјави дека „Исламската Република Иран е подготвена доколку САД“ одлучат да започнат воена акција против земјата.

Арагчи: Иран е подготвен доколку САД започнат воена акција

Тензиите помеѓу САД и Техеран ексалираат откако во Иран започнаа масовни протести против режимот.

Според достапните податоци, досега во протестите во Иран се убиени повеќе од 650 луѓе, а повеќе од 10.000 се уапсени.

Иранските власти се подготвуваат да ја извршат првата егзекуција поврзана со масовните антивладини протести што ја потресуваат земјата со недели. Ерфан Солтани, 26-годишно момче на градот Фардис, предградие на Карај, во близина на Техеран, е осуден на смрт.

Тој беше обвинет за „водење војна против Бога“, кривично дело казниво со смрт според иранскиот закон.

Кој е Ерфан Солтани, првиот Иранец кој може да биде погубен поради протестите против Хамнеи?