Американскиот претседател Доналд Трамп во неделата нагласи дека е оптимист во врска со постигнувањето трговски договор со Пекинг и дека очекува да има средби во Кина и САД, објави Ројтерс.

„Мислам дека ќе постигнеме договор со Кина“, им рече Трамп на новинарите на почетокот од разговорите со бразилскиот претседател.

„Ќе се сретнеме со нив подоцна во Кина и ќе се сретнеме со нив во Соединетите Држави, или во Вашингтон или во Мар-а-Лаго.“

Американскиот претседател додаде дека би можел да постигне некои договори за време на средбата со бразилскиот претседател Луиз Инасио Лула да Силва.

Лула рече дека не гледа причина за конфликт меѓу Бразил и САД.

Изјавите на двајцата лидери беа дадени пред нивната средба на маргините на самитот на Асоцијацијата на земјите од Југоисточна Азија (АСЕАН) што се одржува денес во Куала Лумпур.