Ракометарите на Битигхајм забележаа нова победа оваа сезона во втората германска лига во осмото коло против Есен убедливо со резултат 36:23 (14:10).

Македонскиот голман Мартин Томовски повторно се истакна во дресот на Битигхајм запишувајќи 11 одбрани (32%), а воедно имаше и еден погодок во 51 минута за зголемување на предноста на 30:21.

Кај стрелците во победничките редови по шест голови постигнаа Том Волф и Мориц Штросак, а на спротивната страна Јан Реимер имаше пет голови.

Битигхајм предводен од тренерот Икер Ромеро моментно е на првото место со 14 бодови и единствен без пораз.

Во следното коло тимот на Томовски на 24 октомври ќе гостува кај екипата на Хитенберг.