Тиквата е една од најпопуларните есенски намирници, а бидејќи содржи дури 90% вода, богата е со хранливи материи како влакна и минерали, таа е идеална храна за сите оние кои се грижат за својата фигура!

Оваа неправедно занемарена храна е исклучително богата со хранливи материи, во тиквата односот на микроелементи е толку сложен што одлично му одговара на нашето тело како целосна храна.

Содржи калциум, калиум, фосфор, магнезиум, селен, цинк, железо, бета каротен, манган, дел од витаминот Б и витамин Е (особено во семките), а бидејќи е лесно сварлива, може да ја консумираат и лица кои имаат проблеми со варење на храната.

Исто така ја нарекуваат и „чувар“ на простатата заради концентрацијата на селен и цинк, па затоа се препорачува и за повозрасни мажи.

Ја стимулира работата на тироидната жлезда и панкреасот, го зајакнува имунитетот, учествува во детоксикација на организмот, а особено е добра за луѓето кои имаат покачено ниво на холестерол. И има корисен и смирувачки ефект врз нервниот систем.

Бојата на тиквата како и нејзината кора сигерираат дека станува збор за зеленчук што е исклучително богат со бета-каротен.

Тоа е антиоксиданс кој го штити организмот од ефектите на слободните радикали, го чува здравјето на очите и го зајакнува имунитетот.

Оваа храна содржи многу диетални влакна како пектин и целулоза кои го подобруваат варењето и ги смируваат стомачните проблеми, затоа се препорачува и на луѓе кои страдаат од запек и воспаление на дебелото црево.

Семките, содржат 45% маснотии и 25% протеин. Сушени или лесно пржени, може да се коснумираат и како многу здрави и вкусни грицки.

Од тиква можете да подготвите многу јадења од кашички за најмалите до вкусни супи, колачи, џемови, штрудли…

Наш предлог за едноставна и превкусна супа од тиква. Еве ги состојките:

• 2 главици црвен кромид
• 1 тиква
• ¼ од 1л. млеко
• 50 гр. путер
• 2 дл. павлака
• сол, бибер и морско оревче по желба.

Подготовка: Пропржете го ситно исецканиот кромид на путер и додете ја тиквата која претходно сте ја исецкале на коцки. Мешајте десетина минути додека да омекне тиквата, а потоа постепено додавајте 2-3 дл вода. Додадете бибер, сол и морско оревче. Кога ќе зоврие, добро измешајте и додадете го млекото, а кога ќе зоврие го додавате кремот или павлаката и варете уште две минути. Најдобро е, ако имате блендер на крај да ја соедините смесата, но доколку немате вие веќе имате готова супа!

На здравје!