Тиафо: Нашиот проблем не е националноста, Ѓоковиќ, Надал и Федерер се виновни
Американскиот тенисер Френсис Тиафо успешно ја започна сезоната на бетон, а воедно имаше и една многу интересна изјава.
Тиафо се пласираше во осминафиналето на турнирот „Сити опен“ во Вашингтон (САД), победувајќи го Кристофер Јубенкс со 6:3, 7:6(2).
– Нашиот проблем не е ниту националноста, ниту земјата од која доаѓаме, туку Ѓоковиќ, Надал и Федерер. Тие се главната пречка за сите останати играчи, без разлика што ми зборуваат или прават – рече Тиафо.
Колку е во право говори и фактот што Енди Мареј, Новак Ѓоковиќ, Рафаел Надал и Рожер Федерер од 2003 година досега имаат освоено 66 Грен слем титули и единствени во тој период освоиле трофеи на „Вимблдон“.
Тиафо, кој моментално е 27. играч на планетата, во следното коло ќе игра против Ботик ван де Зандшулп.
Последен тенисер од САД кој крена Грен слем трофеј беше Енди Родик во 2003 година, кога триумфираше на УС Опен.
Frances Tiafoe on Americans not winning Grand Slams since 2003: "The problem is not our nationality, our country. The problem is Djokovic, Nadal and Federer." 😅
— Luigi Gatto (@gigicat7_) August 4, 2022
Ѓоковиќ се откажа од Мастерсот во Монтреал, Канаѓаните не му дадоа виза