„The Simpsons“ ја предвиде трагедијата со „Титан“? Сценаристот Мајк Рејс се качи на истата подморница минатата година
Американскиот анимиран ситком „The Simpsons“ неретко ја изненадува јавноста со сцени од стари епизоди, кои многу потсетуваат на актуелни случувања во светот.
Трагедијата со подморницата „Титан“, во која починаа сите членови на екипажот, го потресе светот, а многумина сметаат дека „The Simpsons“ ја предвиде и оваа катастрофа.
Во епизодата „Simpson Tide“, прикажана во март 1998 година, ликот Хомер Симпсон добива отказ како безбедносен инспектор во нуклеарна централа затоа што ставил крофна во реакторот. Потоа Хомер го запознава својот одамна изгубен татко Мејсон Фербенкс, кој е ловец на богатство. Двајцата се качуваат на своја подморница, но Хомер се губи, се заглавува на коралниот гребен и почнува да губи кислород.
Многумина ја споредија оваа сцена со Шахзада Давуд и неговиот син Сулејман, кои се качија на подморницата „Титан“.
Hecho raro: el ex espectáculo de los Simpson Mike Reiss el año pasado montó el mismo sumergible de Titanic que ahora está desaparecido. El último episodio que produjo ejecutivo fue “Simpson Tide”, con Homer y Co. quedando atrapado en un submarino dañado. pic.twitter.com/fDJPq2IuMF
— Yanko Mesa (@MesaYanko) June 23, 2023
Но, креаторите на „The Simpsons“ не предвиделе ништо, туку оваа епизода била инспирирана од филмот „Crimson Tide“ (1995). За ова проговори и сценаристот и продуцент Мајк Рајс, кој и самиот седна во подморницата „Титан“ во јули минатата година и отиде во разгледување на потонатиот брод „Титаник“, а своето искуство го сподели откако подморницата исчезна пред три дена.
„Тоа е моја серија, а дури и јас заборавив на постоењето на таа епизода“, изјави Рејс, а пренесе „Њујорк пост“.
Hear the inside story of my trip last year on the lost Titanic tourist sub. https://t.co/mTE7BmOa8X pic.twitter.com/LzifffxXhX
— Mike Reiss (@MikeReissWriter) June 20, 2023
„Таа епизода беше инспирирана од филмот ‘Crimson Tide’, кој се емитуваше во киносалите во тоа време. Не ја предвидовме иднината, филмот ни беше инспирација, а ова што се случи две децении подоцна е нешто што наликува на сценариото на таа епизода“, рече Рејс.
Yes, the sub that’s gone missing is the same one I took down to the Titanic. I wish everyone involved the best of luck.
For my experiences, listen to my podcast:https://t.co/FI8zxEDa9S pic.twitter.com/PcT8YHXRfx— Mike Reiss (@MikeReissWriter) June 19, 2023
Рејс претходно изјави за „Би-би-си“ дека, откако го потпишал документот за патување во подморницата, бил подготвен дека никогаш нема да излезе жив од океанот.
„Смртта секогаш демне, таа секогаш е тука некаде во вашиот ум“, рекол Рејс за патувањето со подморницата, за кое платил 100.000 американски долари.
ВИДЕО | „Симпсонови“ ја предвиделе руската инвазија на Украина уште во 1998 година?
