55-годишен жител на Тетово ќе одговара за загрозување на сигурноста, откако ѝ се заканил на сопругата дека ќе ја фрли од четврти кат, а таа пријавила во полиција, соопшти тетовското обвинителство.

Заканата дошла по банална расправија околу продолжен кабел кој го купила сопругата, но не му го дала на сопругот да го користи.

„Осомничениот, на 9 декември, во заедничкиот дом во Тетово, започнал расправија со сопругата заради продолжен кабел кој што таа го купила и не сакала да му го даде да го користи. Во момент на нервоза, тој започнал да ја пцуе и да и се заканува дека ќе ја избрка од дома заедно со нивните две малолетни деца или дека ќе ја фрли од прозорецот на 4-от кат“, пишува во соопштението од Обвинителството.

Обвинител предложил, а судија на претходна постапка одобрил притвор од осум дена за осомничениот.