Пред два дена беше одбележана десет-годишнината од смртта на кралот на попот Мајкл Џексон.

Бидејќи аферата “Leaving Neverland” е во екот токму на годишнината од смртта, медиумите малку и го игнорираа Џексон, а најинтересната тема во моментот е „Killing Michael Jackson“ која ги истражува околностите за смртта на кралот на попот. За неговата смрт е осуден докторот Мари, кој му дал недозволена комбинација на лекови.

За животот и смртта на покојниот Џексон проговори и неговиот некогашен телохранител Мет Фидс. Тој тврди дека покојниот Џексон ја претчувствувал својата смрт и неколку денови пред таа да настапи ги повикувал своите пријатели и семејството да го посетат. Фидс вели дека Џексон му се јавил дури и на својот озогласен татко Џо да се видат.

„Претчувствуваше нешто и сакаше да биде опкружен со блиските“, вели Фидс, кој тврди дека покојниот Џексон не бил педофил.

„Беше најинтелигентната личност која сум ја запознал во животот и најголема ѕвезда. Ние ќе се погрижиме за овие невистини, бидејќи колку ѕвездата е поголема, толку таа е и поголема мета“, порача тој.