„Таа е на пат да го шокира светот“: Бијонсе подготвува дует со Тејлор Свифт?
Американската пејачка Бијонсе го најави новиот албум „Renaissance: Act II“, кој ќе биде во кантри стил, а голем број обожаватели шпекулираат дека една од гостите на албумот ќе биде и мегапопуларната Тејлор Свифт.
Оваа претпоставка ја поттикна продуцентот Кила Би, кој соработуваше со Бијонсе. Тој за време на директен пренос на „Ти-ем-зи“ одговараше на прашања за соработката на двете пејачки.
„Да речеме дека Бијонсе е на пат да го шокира светот. Ќе ѝ дозволам на вашата имагинација да одлучи што значи тоа“, рече тој откако фановите шпекулираа на социјалните медиуми.
„Не би ме изненадило ако Бијонсе и Тејлор направат заедничка кантри песна“, „Што ако Бијонсе и Тејлор соработувале на кантри песна заедно?“, пишуваат обожавателите на социјалните медиуми.
…..what if Beyoncé and Taylor collab on a country song??? Mind you, I loved Taylor when she was country and I think that is what it will take to convert me from being a hater 😭😂
— Passenger Princess (@Jenny_jenjenn) February 12, 2024
Сепак, извор изјави за „Ентерејмент викли“ дека Свифт на ниту еден начин не се појавува на новиот албум на Бијонсе. Ниту Тејлор, ниту Бијонсе не ги искоментираа шпекулациите.
Новиот студиски албум на Бијонсе, „Renaissance: Act II“, ќе излезе на 29 март.