Велигденската трпеза ќе биде весела доколку ја декорирате во симболите на празникот –  морковчиња, пилиња, јајца, зајчиња…. А платнените салфетки на масата за свечениот неделен ручек во домот, можат да ја одиграат главната улога во декорирањето.

Само малку фантазија ви е неопходна сами да направите оригинални декорации. Наш фаворит е зајчето направено од платнени салфети со кое ќе ги импресионирате особено дечињата.

Следете ги упатствата од видеото и за само неколку минути ќе успеете да го направите зајчето. доколку немате платнини салфети со димензии 50х50, може да користите и хартиени.

Најпосле, зајченцето не мора да биде само на велигденската трпеза, може да ги искористите и за прослава на детскиот роденден во домашна изолација, како и за други радосни настани.

Во продолжение ви предлагаме уште неколку интересни идеи за декорирање на масата со помош на салфети. 

Видеата ви презентираат како на лесен начин од платнена салфетка да направите гнездо за велигденските јајца, роза и елегантен џеб за приборот за јадење.