Струмица центар на македонскиот ракомет, денеска ќе гледаме две битки за трофеј
Струмица денеска е во центарот на македонскиот ракомет, каде во салата „Парк“ ќе се одиграат двете финалиња од Купот.
Препорачано
Во машкото финале ќе се соочат Вардар 1961 и Охрид. „Црвено-црните“ влегуваат како фаворити со цел да го одбранат трофејот и да стигнат до вкупно 18-ти во ова натпреварување. За Охрид, пак, ова ќе биде прво финале и можност за историски успех.
Тренерот на Вардар, Иван Чупиќ, ќе може да смета на Урош Митровиќ и Милан Лазаревски, кои и покрај исклучувањата во полуфиналето ќе имаат право на настап, бидејќи немаше дополнителни санкции.
Во таборот на Охрид, тренерот Борис Ројевиќ доби позитивни вести, па најверојатно ќе може да смета и на Кеисуке Јасихура, кој се опоравува од повредата заработена против Пелистер. Натпреварот е закажан за 20:00 часот.
Претходно, од 17:00 часот, на програмата е женското финале меѓу Спартак и Ѓорче Петров. Спартак по сензацијата против Чаир ќе игра за својот прв трофеј, додека Ѓорче Петров влегува како бранител на титулата.
