Како што и самиот најавува, конечно на тркачка патека, „летечкиот“ Македонец е подготвен за возбудувањата на ТЦР натпреварувањето на Источна Европа.

Игор Стефановски со нетрпение очекува да настапува на автомодромот Гробник (Хрватска). В сабота (25 јули) ќе се одржат квалификациите, а наредниот ден се двете трки.

Според најавите нашиот Иџе ќе се натпреварува со фантастични возачи, вкупно 17, помеѓу нив и актуелниот шампион во натпреварувањето, Милован Весниќ. Токму Весниќ беше дел од тимот на Стефановски во периодот кога возеше на трката во Имола.

Тука се наоѓа и неговиот ривал од ЕТЦЦ шампионатот 2017, Петар Фулин, а не се заборава и двократниот европски шампион, Душан Борковиќ.

– Едвај чекам да започне оваа сезона и да бидам на патеката и се сретнам со пријателите. Ќе го дадеме максимумот, да ги направиме горди бидат фановите и Македонија – вели Стефановски кој додаде дека трката ќе биде како вовед во првиот викенд од август во рамките од главното натпреварување годинава, ТЦР Италија.