Студентите во блокада во Србија најавија акција за утре под слоганот „Распиши победа!“, за време на која ќе собираат потписи во поддршка на барањето за распишување предвремени парламентарни избори, пренесе „Н1“.

Граѓаните ќе можат да ја поддржат таа иницијатива на повеќе од сто места низ Србија.

Листата на локации, што редовно се ажурира, е објавена на веб-страницата цst.

Според најновите достапни податоци, потписи ќе се собираат на 108 места на 476 штандови.

Како што велат студентите вклучени во организацијата на настанот, целта е да се соберат што е можно повеќе потписи за да се знае колку граѓани се за распишување избори.