Српскиот репрезентативен голман Миленковиќ потпиша за ГРК Охрид
Нов играч на ракометниот клуб Охрид е српскиот интернационалец Александар Миленковиќ кој ќе го носи „сино-белиот“ дрес.
Миленковиќ е инаку репрезентативец на Србија, има богата ракометна кариера и е огромно засилување на голманската позиција за ГРК Охрид.
Во клубот доаѓа по две години поминати во Израел, висок 200 см, тежок 125 кг., има шест официјални настапи за сениорската репрезентација на Србија.
Претходно ги бранеше и боите на Мокра гора Зубин Поток, Слога Пожега, Металопластика Шабац, Партизан, Нови Пазар, Политехника Темишвар, Бершева и Макаби Кириат Мокин.
Моментно во групата „А“ од македонската домашна ракометна Суперлига составот на Охрид е на третото место со 18 бодови, зад Вардар 1961 (27) и Алкалоид (24).