Спарси „паднаа“ во Саутемптон, „лисиците“ сигурни во Њукасл! (ВИДЕО)
Ингс го запиша 13. гол во сезоната, а 12. на претходните 14 натпревари. Ова е можеби најлошиот натпревар од доаѓањето на Жозе Мурињо на клупата на Тотенхем.
Фудбалерите на Саутемптон го совладаа Тотенхем на свој терен во 21. коло од Премиер лигата со резултат 1:0 и го запишаа вториот триумф по ред. „Светците“ кои играат одлично во последно време, до четвртата победа во претходните пет мечеви ги водеше Дени Ингс.
Најдобриот стрелец на тимот постигна фантастичен погодок во 17. минута. Една долга топка на Стивенс одлично ја прифати, го исфрли чуварот, а потоа со левата нога ја испрати топката во мрежата на Гацанига.
За Ингс ова е 13. гол во сезоната, а 12-ти на претходните 14 натпревари. Ова е можеби најлошиот натпревар од доаѓањето на Жозе Мурињо на клупата на Тотенхем.
Лестер немаше проблеми во Њукасл славејќи со убедливи 0:3. Водство донесе Перес во 36. минута, а 180 секунди подоцна еден прекрасен погодок реализираше Џејмс Медисон за зголемување на позитивата.
Конечниот епилог беше поставен во 87. минута, кога Вилфрид Ендиди ја испрати топката до Хамза Чаудри, а овој погодок под пречката.
Претходно беше објавено дека Брајтон пред своите верни навивачи успеа да му откине бод на Челзи (1:1).