Челзи и во Новата година продолжува со променливата форма, лондонските „сини“ само ремизираа 1:1 на гостувањето кај екипата на Брајтон со резултат 1:1.

Во 10. минута поведоа играчите на Лампард, после еден изведен корнер многу среќно дојде топката до Сезар Азпиликуета кој од непосредна близина ја испрати топката во мрежата.

Освен обидот на Тросар, немаше други позабележителни сериозни моменти во првото полувреме, а слично беше и во вториот дел од мечот, сè до самиот финиш.

Алирези Јаханбакшу, иранскиот интенационалец со фантастични „ножички“ успеа во 84. минута да му донесе бод на Брајтон.

Во вториот дуел Астон Вила на гостински терен славеше против Барнли со 2:1.