Фудбалерот на ПСЖ, Жоао Невеш, предизвика реакции во јавноста со својот избор во анкета за најдобри играчи, во која не го вклучи капитенот на Португалија, Кристијано Роналдо.

Во анкетата во која требаше да ги избере најистакнатите фудбалери во неколку лиги, Невеш го прескокна еден од најголемите во историјата на фудбалот. Наместо Роналдо, како најдобар во саудиската Про лига го издвои својот сонародник Жоао Феликс, кого го опиша како „волшебник“.

За најдобар играч во американската МЛС лига, Невеш го посочил Лионел Меси, долгогодишниот ривал на Роналдо и капитен на Интер Мајами.

На прашањето кој е најдобар фудбалер во португалската репрезентација, тој даде неочекуван одговор, истакнувајќи:

„Тоа е тешко прашање. Веќе спомнав португалски имиња од други лиги, па ќе се изберам себеси.“

Жоао Невеш стана дел од репрезентацијата на Португалија во октомври 2023 година по одличните настапи за Бенфика и се очекува да биде во составот на Португалците за Мундијалот ова лето.

ВИДЕО | Роналдо се врати на терените по повредата и веднаш даде два гола