Прекрасната Римјанка и оскаровка е позната со децении како една од најубавите жени во историјата на кинематогрфаијата, а таа е убавица и денес, во деветтата деценија од нејзиниот живот.

Италијанската актерка Софија Лорен го прослави својот 86-ти роденден на 20 септември, но таа одбива да биде „филмска пензионерка“!

Шармантната добитничка на Оскар, родена како Софија Вилани Шиколоне, се врати на својата работа со улогата во драмата „Животот однапред“, на Едоардо Понти за жена која го преживеала холокаустот и започнува живот со дванаесетгодишник кој неодамна ја ограби.

Ова е големо изненадување за обожавателите на Софија Лорен, која не ја гледаме често во јавноста, а последен пат сними нов филм во 2010 година, кога ја играше нејзината мајка Ромилда во ТВ-филмот за сопствениот живот „Мојата куќа е полна со огледала“.

Бидејќи веќе долго време немаме шанса да ја видиме една од последните диви на светскиот филм, многумина беа заинтересирани за тоа како изгледа Лорен во нејзините подоцнежни години.

Доколку нас не прашувате, величествено!