Светски познатата руска балетска ѕвезда Владимир Шкљаров загинал во пад од петти кат од зграда во Санкт Петерсбург во саботата, јавија светските медиуми. Тој имаше 39 години.

Смртта на Шкљаров ја потврди Театарот Марински, каде Шклјаров настапуваше како танчер од највисок ранг.

Руските власти официјално отворија истрага за смртта на Шклјаров, но „прелиминарната оценка“ е дека се работи за несреќен случај, објави рускиот државен медиум РИА Новости.

„Тој умре од природна смрт. Нема кривично дело“, рекол за агенцијата извор од службите за итни случаи.

Шкљаров почина два дена пред да биде подложен на сложена операција на ‘рбетот и „извесно време земал сериозни лекови против болки“, објавија руски медиуми.

Тој беше оженет со Марија Ширинкина, колешка-танчерка во Марински. Тие имаат две деца, син и ќерка.