Скопјанец возел во спротивна насока на автопатот кај Тетово, ќе одговара за предизвикување општа опасност
67-годишен возач од Скопје бил уапсен вчера откако со неговиот „Мерцедес“ возел во спротивна насока на автопатот Тетово-Скопје, соопшти полицијата.
„Полициски службеници од полициска станица за безбедност на патниот сообраќај Тетово го привеле 67 годишниот В.Т. од Скопје, постапувајќи по претходна пријава дека тој со неговото возило „Мерцедес“ со скопски регистарски таблички, на автопатот Тетово-Скопје се движел во спротивен правец, од наплатната станица Тетово кон наплатната станица Желино, при што предизвикал општа опасност во сообраќајот“, пишува во полициското соопштение.
„Тој е задржан во полициска станица и по документирањето на случајот против него ќе следува соодветна пријава“, додаваат од МВР.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 100 ДЕНАРИ
Видео на денот