Скопјанец се сомничи дека му нанел тешка телесна повреда на сосед  во населбата Илинден. За 37-годишниот маж, јавен обвинител од ОЈО Скопје донесе наредба за спроведување истражна постапка. На 24 септември во скопската населба Илинден осомничениот со умисла тешко телесно повредил сосед при расправија поради претходно нерасчистени меѓусебни односи. Тој со метален чекан го удрил оштетениот, 49-годишник во главата, нанесувајќи му фрактура со која во опасност му бил доведен животот.

Јавниот обвинител му предложи на судот да определи мерки на претпазливост за осомниченото лице – забрана за напуштање на живеалиштето, одземање на пасошот, обрврска да се јавува во судот и забрана за приближување и воспоставување контакт со оштетениот.