Сите се жалат од ВАР системот, на ред дојде и Емери! – Слободен печат
СпортФудбал

Сите се жалат од ВАР системот, на ред дојде и Емери!

После вториот пораз сезонава во Премиер лигата, менаџерот на „топчиите“ вели дека неговата екипа е оштетена.

Фудбалерите на Арсенал синоќа повторно ги разочараа своите навивачи откако загубија на гостувањето од Шефилд јунајтед со 1:0. „Топчиите“ беа големи фаворити, но овојпат покажаа лоши перформанси и на крајот го претрпе вториот пораз сезонава.

Одлучувачкиот момент се случи во 30. минута кога невнимателна беше одбраната на лондонскиот клуб, а тоа го искористи Мусе за триумф.

Арсенал во понатамошниот период имаше иницијатива и посед на топката, но играчите на менаџерот Унаи Емери делуваа безидејно на теренот и не можеа посериозно да се заканат кон голот на Хендерсон.

Големи критики после поразот доби стратегот кој повторно „експериментираше“ со почетниот состав. Но, шпанскиот стручњак мисли дека неговиот состав одиграл добар натпревар и дека не заслужил пораз.

Вели дека главниот судија Мајк Дин не досудил чист пенал за неговиот тим.

– Со ВАР кој сега го имаме, фаулот врз Сократис мораше да се погледне. Беше тоа чист прекршок и пенал. Не заслуживме да загубиме и мислам дека од сето ова може да ја подобриме својата игра – рече Емери после натпреварот.

Од ВАР системот незадоволство покажа и менаџерот на Ливерпул, Јирген Клоп во ремито на „Олд Трафорд“ против Манчестер јунајтед.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close