Даријан Мандиќ, синот на пејачот Оливер Мандиќ, бил пренесен во Специјалната затворска болница затоа што вештачење утврдило дека е непресметлив, дознава Нова.рс.

По истекувањето на рокот од 30 дена затвор поради непочитување на мерките за забрана за пристап до неговата поранешна сопруга Јелена по семејното насилство, Даријан Мандиќ бил префрлен во Специјалната затворска болница.

Комисија составена од тројца експерти утврди дека Даријан Мандиќ е непресметлив.

Како што дознава Нова.рс, на Даријан му е одреден притвор, а според наредбата на Третото основно обвинителство, за неговиот случај ќе биде поднесен предлог за изрекување мерка на безбедност и третман.

Да потсетиме, синот на пејачот Оливер Мандиќ пред еден месец го демолираше автомобилот на неговата поранешна сопруга Јелена Мандиќ, по што беше испратен на издржување казна од 30 дена затвор.

Помладиот Мандиќ и бил познат на полицијата по насилното однесување од порано. Во јули оваа година тој беше уапсен во неговиот стан во Вождовац, по интервенција на полицајците кои дошле откако неговата мајка Мирјана пријавила кривично дело семејно насилство.

Мирјана, наводно, повикала полиција и рекла дека нејзиниот син се расправал со неа, како и дека станувал сѐ поагресивен и се заканувал дека ќе ја претепа. Кога пристигнала полицијата, таа наводно не сакала да разговара со нив, а Даријан почнал да ги навредува, па бил приведен и задржан за спречување службено лице во извршувањето на службените должности.

Потоа му беше одреден притвор до 48 часа, а по сослушувањето во Второто основно јавно обвинителство во Белград, тој беше ослободен да се брани од слобода.

Мирјана подоцна ги негирала овие наводи.

„Никогаш не ме тепал, ме тепаше мојот бивш сопруг. Со син ми секогаш се карам дека го брани татко му.“

Мајката на Даријан и бивша сопруга на Оливер Мандиќ за српските медиуми зборуваше за проблемите со Оливер Мандиќ што ги имале додека биле во брак.

„Го условив: или ќе родам второ дете или го напуштам. Или ќе се тргне од сцената, од алкохолот и од сѐ или развод! Секогаш го следев на турнеите, сите нѐ знаеја. Оливер секогаш имаше страв да се појави во јавност без мене, беше несигурен поради големиот број публика. Беше страшно љубоморен. Првпат кога побегнав од дома беше откако ме држеше два часа заклучена во бањата. Успеав некако да излезам оттаму, меѓутоа тој ме турна по скалите. Вториот пат беше страшно. Побегнав кај мајка ми и тој дојде сосема полуден. Ја скрши вратата и ме претепа. Да не беше Пеџа д`Бој, Оливер тогаш ќе ме убиеше“, рекла Мирјана, пренесе Директно.рс.