Според конечните бројки од гласовите на македонските државјани од дијаспората, кандидатката поддржана од ВМРО-ДПМНЕ, Гордана Сиљановска-Давкова победи со 570 гласови наспроти кандидатот поддржан од СДСМ, Стево Пендаровски, кој освои 216 гласови. 21 од гласовите се неважечки.

Дијаспората, болните и изнемоштени лица и затворениците гласаа вчера. Според заклучениот Избирачки список на Државната изборна комисија, за гласање во државата се запишани 1.713.758 избирачи, 95.116 избирачи се на привремена работа или престој во странство, а 2.147 се на издржување казна затвор или се во притвор.

Во посебниот извод од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се евидентирани 2.569 избирачи, како и 191 член членови и заменик членови на избирачките одбори кои спроведоа гласање во ДКП-та.